Ետ գնալ Ետ գնալ Ամուր Տավուշ. միասին համալրենք Տավուշի գյուղերի թաքստոցները 20/07/2020
Ամուր Տավուշ. միասին համալրենք Տավուշի գյուղերի թաքստոցները

#ԱմուրՏավուշ #ԴիմակայունՀամայնքներ #ՊաշտպանվածԵրեխաներ

Վորլդ Վիժն Հայաստանը սկսում է դրամահավաք, որի շրջանակներում կենսական միջոցներով կհամալրվեն Բերդ, Արծվաբերդ, Չորաթան, Տավուշ, Մովսես, Չինարի, Ներքին Կարմիրաղբյուր, Այգեպար սահմանամերձ համայնքների թաքստոցները։

Տեղի խաղաղ բնակչությունը ու համայնքները ունեն մեր աջակցության կարիքը։

Վերոնշյալ 8 համայնքներից յուրաքանչյուրի ապաստարաններում կարիք կա հետևյալ պարագաների.

- 200 լիտրանոց ջրի բաքեր՝ ծորակով
- լապտերներ՝ հոսանքից լիցքավորվող մարտկոցով
- քնապարկեր
- ծածկոցներ
- դեղարկղեր՝ առաջին անհրաժեշտության դեղորայքով և պարագաներով
- բարձրախոսներ (рупор)

Ուշադրություն. կարիքները համաձայնեցված են Տավուշի մարզպետարանի հետ:

Մեկ համայնքն անհրաժեշտ բոլոր պարագաներով համալրելու համար անհրաժեշտ է 3մլն 500 հազար դրամ։

Աջակցել կարող եք` նվիրաբերելով ցանկացած գումար, ինչը կօգնի մեզ տրամադրել այս 8 համայնքների բնակիչներին թաքստոցները համալրելու պարագաներ:

Դրամահավաքի արդյունքների մասին կտեղեկացնենք ընթացիկ:

Բարձրացնենք մեր համայնքների դիմակայությունը #միասին։

Միացեք մեր արշավին՝ այցելելով https://donate.am/en/donation/1/0 կամ կատարելով նվիրատվություն 220413350228000 հաշվեհամարին։

 

 

 

 

Այլ նորություններ

#SecretSanta. Ամանորյա նվերներ 2637 երեխայի համար
#SecretSanta. Ամանորյա նվերներ 2637 երեխայի համար

Վորլդ Վիժն Հայաստանն ամփոփում է «Գաղտնի Ձմեռ Պապ» արշավի արդյունքները

736 մարդ մասնակցեց Վորլդ Վիժն Հայաստանի՝ «Գաղտնի Ձմեռ Պապ 2019» (#SecretSanta 2019) արշավին՝ նվիրաբերելով ամանորյա նվերներ Հայաստանի աղքատ ընտանիքներում ապրող 2637 երեխայի համար: Արշավի շրջանակներում նվիրաբերվել է ընդհանուր առմամբ 13,597,000 ՀՀ դրամ: 

18 օր տևած արշավին մասնակցեցին նվիրատուներ թե՛ Հայաստանի մարզերից, թե՛ Երևանից և թե արտերկրից:  Տոնական գուլպայի տեսք ունեցող բացիկում նվիրատուները տեսնում էին այն երեխային, ում համար ընտրում էին ամանորյա նվերը՝ Վորլդ Վիժնի կողմից առաջարկվող ցանկից՝ զարգացնող խաղեր, տիկնիկներ, գրքեր, մեքենաներ, կոնստրուկտորներ, գնդակներ և նկարչական պարագաներ:

Նվիրատվական արշավին մասնակցել են Հայաստանում գործող խոշոր, միջին և փոքր բիզնեսներ, ՏՏ ընկերություններ, տեղական և միջազգային կազմակերպություններ, անհատ ձեռներեցներ, պետական կառույցներ, արվեստի գործիչներ և հարյուրավոր սրտացավ անհատներ: Բոլոր նվիրատուները ստացել են անհատական հաշվետվություն-նամակներ նվեր ստացող երեխայի լուսանկարով:

 Վորլդ Վիժն Հայաստանը իրականացնում է «Գաղտնի Ձմեռ Պապ» արշավն արդեն երկրորդ տարին: Նախորդ տարվա համեմատ այս տարի հնարավոր է եղել կրկնապատկել թե՛ նվիրատուների և թե՛ նվեր ստացող երեխաների թիվը:  

Շնորհակալություն ենք հայտնում բոլոր նվիրատուներին՝ Հայաստանում ապրող երեխաներին ամանորյա տոն պարգևելու համար:  

Արշավի շրջանակներում խոշոր նվիրատվություն է կատարել «ԻՆԵԿՈԲԱՆԿ» ՓԲԸ-ն՝ նվիրաբերելով գումար 300 երեխայի ամանորյա նվերի համար:

17/01/2019